O skopsko Kriso angja decizia phanlipa taro 13 thaj 12 berša phanlipa trin personenge so kergje kinobikiniba čhavencar thaj seksualno teleperaviba tikneberšengiri štitenička taro ofiso “Ranka Milanović” so ačhili khamni.
Sa o trin džene anglal o kriso notiringje kaj si došale. O avgo notirimo krisardo Majmire Destanova reslja 13 berš phanlipa, o kriso notiringja došale soske bašo 200 eura bikinela sine e tiknja ko kafane ko Kavadarci.
Palo odova oj legargja e čhija ko Radoviš ko dujto krisime Erol Jašarov so sine lake naregistririmo rom e 12 beršengere čhijake so ko avutne 10 divesa marelala sine thaj seksualno istemalkergja la.
Ko seksualno istemalkeriba than lelja em o trinto krisimo Sezar Raimov unuko taro Jašarov. Palo notirime kaj si došale o raimov thaj o Jašarov resle 12 berša phanlipa.
Aso o informacie taro kriso o trin došakjerde si pendžarde e ofisoske bašo kriminalo thaj isi len buteder krisime aktia ko diferentno krisia an i them.
