Sar extra turistikani solucia si turistikani vizita e ćorole getoenge kote si o majčorole manuša te dikhen sar o čorole čhavore nangjoven ko melale panja thaj lenja, soven an o limoria, hana taro deponie na džana an o škole.
Akaja forma turizmo hulavgja i gnd ko manuša kote jekh notirinen kaj si but surovo thaj bibahtali, numa si pozitivno sosek iranel i sama ko okola manuša kaske trubul suporto.
Taro odova aspekto o tursitikane agencie hulaven dži ko 80% taro profito te donirinen o love odole getoenge, kvartoa thaj favele.
Aver vakeren kaj akava akti si dehumano praktika.
Nesave sociolozia numa notirinen kaj akala tursitikane turnusia nane politikane , historikane thaj sociološko , numa akalea ola e čorolipeske keren romantično notacia thaj diskriminirinena akale kategoria manušen.
Nesave agencie e barvale turistonge dena šajdipa te dikhen sar deš mile čorole manuša kheden plastika selektirinen, reciklirinen i plastika ko than kote si but toksiko. Ko jekh kheden metalo thaj aver sekundarno gunoj thaj odolestar ola egzistirinena.
Atraktivno si akava e barvalenge numa si surovo thaj nahumano aso o majčorole.
