Biš thaj pandž srpsko čhave taro Bujanovac na avile ko avgo časo an i škola ki FŠ ” Branko Radičević kote so džana srpsko thaj romane čhave.
Ko jekhto klasi isi 2/3 taro Romane čhave ko avgo klasi thaj 1/3 taro srpsko čhave. O jeria pire čhavenge so angje len an i škola na mukhle pire čhaven te khuven an i škola thaj akcentiringje kaj anglutne bičhavgje peticia o srpsko čhave te oven hulavde an o duj klasia.
O jeria akcentirinen kaj nane ola mujal o romane čhave numa kamen salde lačhipe pire čhavenge. thaj te sikljon panda majlačheste, soske sa akala čhave sine angleder e školsko edukacia an o gartenia ki odoja programa.
O šerutno e Ofisosek vash edukacia ko Jablaničko thaj Pčinjsko regiono o Dragan Mitrović, akcentirinela kaj o “čhave trubul te džan an i škola aso o kanoni”.
Oleskiri percepcia akale problemoske ki akaja škola akcentirinela kaj akava si “segregacia e romane ćhavenge” thaj o srpsko čhave ka valjani te oven hulavde ko sa o pandž klasia, a na hulavde ko duj klasia, odolea so e kanunea si saste odova regulirime.
Link: https://www.danas.rs/drustvo/bujanovac-peticija-da-se-srpska-deca-razdvoje-od-romske/
