O inspektoria tari diz Skopje dengje roko e dizutnenge so si len kerde improvizirime nalegalno khera te ikaven olen, soske te na kergje ola korkoro i diz Skopje ka kerel olen.
Tari diz vakeren kaj akala divesa ale an i vizita odole nalegalno mahalenge ko kej e lenjake Vardar telal o kale ko pašipa e ofisoske tari Nacionalno banka.
Pali kerdi opseravcia an o teren ola konstatiringje kaj na ikeren o komunalno thaj pravdo kanoni thaj na respektirinen pe o Kanonia
” E dizutnege sine dende lenge verbalno notacie thaj trubul te džan dži ko centro e socialno bukjengje te roden suporto thaj alternativa.
Ka mukha desavo periodo o manuša korkoro te arakehn lokacia kaj ka dživdinen numa dži kote na keren odova , ka valjani te chida olen . Ko akala lokacie o dizutne notirinena kaj tharelape funojh , gume thaj kablia. I Diz Skopje si la obligacia te legarel o kanoni higienake thaj te kerel prevenciasa okolenge so kerena toksičko o thana thaj te faisalkerel pe akava but beršengoro naplala problemi” vakeren tari Diz Skopje.
I Komuna Centar ko starti e masekoske juni peravgja i nalegalno mahala so sine an o centro e dizjake ko “Urban park” so beršencar sine uzurpirime kartonsko kherencar thaj pherdi plastično šišencar thaj aver gunoja.
