Ko maripa bašo Košare so sine taro april dži ko juni 1999 berš ki teganutni jugoslovensko albansko simantra , nbotirinen pesine butder storie. Numa akaja si čače interesantno.
Paše 1.500 OVK askeria suportoa tari albansko artileria thaj NATO aviacia thaj instruktoria , kergje atako e reoneske trujal i karaula Košare an o fronti buvlo nekobor kilometria , javinate an o 9 Aprilo 1999 berš . kana sine o maujuče maribakere akcie e Jugoslaviakere askeria sine paše 1.200 a o OVK thaj aver albanikane brihade paše 5-6.000 askeria.
Ko vakti e ratvale maribaske an o Košare sine but interesno thaj napakjavutne momentia.
Sebepi but droma špiunaža thaj šuniba o radio konekcie jekh rezervno jugoslovensko ofisero dengja pe godi an o Navaho Indiancia tari merika ko vakti taro Dujto Lumiakoro mariba
thaj angažiringja duj e Romen so sine askeri an i Jugoslavia kote ki piri romani čhib komunicirinen sine aso radio konekcia thaj agjaar legaren sine o informacie dži ki jugoslovensko artileria thaj minofrlačia. Dži ko agor e maribaske em o OVK thaj o NATO na resle te haven so kerel pelafi spske na haven sine i romani čhib.
O mariba an o Košari oficialno agorkergja ko 14 juni 1999 berš kana e Jugoslaviakoro askeri uprtal i funda taro Kumanovsko Kontrakto e KFOR te džač peske taro Košare. O iraniba diferenciaja taro aver kotora an o Kosovo nakhlja bizo incidentia a o duj riga sa odova dikhena sine tromale.
