O gazdia e Café Rom an i diz Kotka vakerena kaj kamen olengoro Kafe bari te ovel phurt maškar o kulture.
Ko maškar e masekoske juni Café Rom an i diz Kotka ulo o avgo restoranti an i Finska so gazdia si Roma thaj aso o Nacionalno Romano Forumo an i Finska . O Cafe bari funkcionirinel an o jekh purani lokacia trujal i kinara – rpistanište ko kvarto Hovisaari.
O logo taro Caffe bar si o Romano flago so si akceptirime panda an o Jekhto Romano internacionalno Kongresi an o 1971 berš, thaj majtransparentno informirinela e romane historiake thaj kulturake. O dekor dopherela em jekh bari kukla so si uravdi ki tradicionalno purani romani garderoba tari Romani džuvli.
O Alan Bolstrom presidento an o lokalno asociacia Kaakonkulma Romani vakerel kaj o objekto si than kote so o stereotipia thaj diskriminacia akale purane etnikane grupake te eliminirinen o stereotipia mujal akala etnikani grupa ki paralela eliminacia taro na Romane Fincia thaj te oven majlačhe. Savore si šukar udžarde vakerel o Bolstrom.
“O Roma trujal i historia ilustririnela sar khanduvale thaj bilačhe. Akava Caffe bar si akate te šaj sikava amare misafirenge si normalno sar sa o avera finsko dizutne”
O Bolstrom ilustririnel e Café Rom sar phurt maškar o Roma thaj o Fincia.
“Odoja phurt na rumindili numa o stereotipia thaj o dezinformacie isi panda” vakerel ov. “Amaro Caffe bar si o klidi an i trampša odoleske. Amen siem hazri te da ansverto ko sa o pučipa thaj dileme ko amare misafiria te sine olen”
