O francusko producentsko ofiso „Acccord croises“ džal majodorig e tradicijaja te arakhel o gilja e romane thagarutnake e gilenge Esma Redžepova Teodosievska , te del len an i lumia thaj ma te bistren pe. Akava drom odova ka kerel le prekal „Esma’s next generation“, so sine formirime nekobor berša anglal lakoro meriba kote sar vokali si Eleonora Mustafova, so i esma educiringja la thaj dikhlja la sar čhaj thaj o Simeon Atanasovski so palo meriba taro Stevo Teodosievski kerel sine o gilja. E lumiake o bendi ka legarel anav „Esma’s next generation“, thaj angleder nesave divesa sine kerdo em o kontrakto.
-Akava producentsko ofiso dži akana sine opservacia e Esmake thaj olakiri kariera an i lumia. Akana kamen prekal amende te kera neve gilja an o lakoro stili thaj kana ka ovel koncertia te filjava lakere gilja te na bistren pe. Akala divesa udžara olendar te den amen kontrakto te šaj ovel amen koncertia an i Europa, Amerika thaj Australia. Numa nane te giljava salde gilja tari Esma nums thaj amare neve gilrncar. Odoleske kergjem jekh nevo CD so ka editiren ajaka produkcia thaj isi 10 gilja. Odotheisi 3 makedonikane, šov romane thaj jekh instrumentali.
Link: https://7dena.mk/%D0%A4%D1%80%D0%B0%D0%BD%D1%86%D1%83%D1%81%D0%BA%D0%B8
