O mudaripa shaj ovel purano krisoskoro akti, numa i esapin hardzime panjeske na, pukjinaja komunalno aktivitetia so si angleder 20 bersha , rodaja te kosen pe sa o borchia thaj izbrshitelsko em notarsko hardzibam vakergja i Ana Gligorova tari asociacia “O manush upral o profito” ki diskusia aso aniba propozalo kanonia te kosen pe o kamate taro borchia.
Amaro kanoni basho izvrsitelia si copy paste aso o skandinavsko thema . Te sine dizutnenske an i Svedia an o konto si le 1000 eura, eventualno te achilo borci nekaske ka pukjinel 1700 eura, jali 75% tari fundavno borci.
Odori nane izvrsitelia , odova si kotor taro danokoskere opfisia. Odori nane bnadende asapina baso komunalie. Neko te na pukjingja ko roko ko udar aven leske majanglal taro socialno ofiso a na izvrsiteli. I them odori na chivel tut ki situacia te len tutar bare love. A akate kobor si purano o borch, soske te pukjina esapina purane em 20 bersha? Kote sine o doveriteli odova sasto vakti? E dizutnen mukhen ko shukar mangipa e notarenge thaj izvrsitelenge, vakergja i Gligorova.
Anglutne o deputati Pancho Minovjekh so dengja propozalo e kanoneske, vakergja kaj o nishania te kosen pe o kamate ko borchia so iklile taro komunalie e kanonea sar so vakerek ka oven astarde pashe 600.000 dizutne.
Link: https://www.youtube.com/watch?v=gnIuO3qsiIE
