O Roma so dživdinena an i Britania si an o risiko tari deportacia palo Berxit , vakeren o NGO soske havljarena kaj buteder ka našti te resen i dokumentacia te šaj mukhel te faisalkerel pe olengoro statuso.
Persi masek o kherutno sekretaro Sajid Javid vakergja kaj o themutne taro EU ka ovel rodime olendar te šaj den antvorto ko “trin pučiba” an i on line forma dali ka šaj majodorig te ačhon an i Britania kana ka ikljol formalno tari EU.
Taro aplikantia ka ovel rodime te den fakti pire indentietoske, kaj nane olen themutnipa, thaj an o akava momento dživdinen an i Britania.
O NGO so keren buti e romane jekhinake an i Britania notirinen kaj oibuter Roma si dizutne tari EU thaj si len niami te oven an i Britania , buteder olendar analfabetia, bizi edukacia te šaj ikaven i dokumentacia thaj nane olen akcepcia dži ko PC jali android telefonia
O Martin Burrell, presidento an o Luton Roma Trust, so kerel aktiviteto vash o 3.000 Roma an i diz akcentirinela: ” Amen akana savore udžaraja te dikha so ka ovel aver rigatar taro Brexit. Savore amen siem but bibahtale kote buteder taro amare familie ka našti te sikaven em validirinen o fakti kaj dživdinen an i Britania.
