An i diz Uzgorod , o Roma iklile an o protesto sebeoi o atako so sine kerdo an o romano kampo an o Lvov.
O protestantia anglal o ofiso e dizjake kote si i administracia ikeren sine parole ” Na bašo rasismo” hramosardo ko but čhibja.
Anglal e dizjakoro ofiso taro Transkarpatsko regiono an o 25 juni khedingje pe hrupa manuša, terne thaj džuvlja so sine revoltirime taro kerdo atako an o romano kampo ko Lvov, havljargja UKRINFORM.
O manuša ikeren sine parole ” Na bašo rasismo” hramosardo ko but čhibja,keren sine lafi bašo sakoneske jekhutne niamiae Romenge thaj aver nacienge an i Ukraina, akharen sine te den suporto mujal o atakia e Romenge an i Transkarpatia thaj sine bičhavdo protestno lil dži ko Ukrainakoro govermento thaj europakere organizacie.
“Akava si bibahtake but dravutne, soske an i Ukraina mudargje manuše odoleske soske si -Rom” vakergja o vicepresidento an o Konsilo e Romenge ki diz o Miroslav Gorvat.
Aso oleste akava akti kendingja e muršen, dđuvljen thaj ternene tari romani jekhin an i Transkarpatia.
“E Romen tari Transkarpatia akava si phare periodo. Nikana na hošingjemodokhare kaj amen e Romen neko arakhela. Dži ertai palden amen sine, a akana počmingje em te mudaren” vakergja o Gorvat.
Anglutne i USA thaj Europakoro Konsilo bičhavgje nota akale atakoske e Romane kamposke an o Lvov., jekh terno si mudardo a 4 aver ratvarde sar resultato taro atako šastrale grupake upral o Romano kampo an i diz Lvov.
Link: https://ukropnews24.com/transcarpathian-roma-came-out-to-protest-against-the-pogrom-camp-in-lviv/
