Taro 2008 berš kana i Srbia dengja signatura an o Kontrakti baši readmisia thaj dži akanutno periodo, irame si upreder 50.000 manuša taro thema an i EU. Olenge na sine akceptirime o rodaripa azileske , bizi šansa te ačhoven, a an i Srbia udžaren olen bare problemia.
E themake majbaro numero olendar si sar -fantomia.
Aso olende i deportacia taro EU thema majbut si bizo anglohavljarina. Sine aktia kana ko 4 i lase javinate aven o ofisia thaj i policia te oven irame an i Srbia.
A buteder olendar te šaj avena ko thema tari EU bikingje pire khera thaj aver sa so sine lenge moldime.
Akana kana si irame ola saste si bizo khanči. Odoleske i integracia an o sasoitnipa džala but phareste.
” Majbut olendar an o thema tari EU bijandile lenge čhave so nadžanen lačheste i čhib, si len problemo an i integracia an o edukaciakoro sistemo. Odola manuša si čorole thaj kana iranen pe si len pharipa te oven konkurentno an i berza bukjake ano sistemo socialno protektivake.
Sar problemo si thaj o nasikavdo intereso e themake baši akaja kategoria manuša. Trujal so trubul, majbaro numero taro komune na akceptiringje o akciono plania bašo suporto e readmisirime persone, a okola komune so kergje odova o budžeto raritetno arakhen pe aktia te akceptirime.
