Ki jekvaš i rakj ko savato thaj kurko ano 23 thaj 24 juni sine kerdo panda jekh atako tari rig e neonacistikane grupake ko jekh Romano kampo an i Ukraina. Ko atako sine mudardo jekh 24 beršengoro Rom, a sine thaj ratavrde konketiribaja taro 10 berš čhavo.
I policia astargja efta persone. Aso o avgo raporto palal o atako tergjola neonacistikani grupa.
Ko policiakoro raporto tergjola – ” An o 23 juni ko 23:25 grupa naidentifikujmi maskirime persone so kergje atako e Romasne kamposke an o trujalipa e dizjake Lavov”
Aso o šefo e ukrainsko nacionalno policiake Sergej Kinzaev efta terne persone si astarde sp si notirime sar persone so kergje o atako.
O persone so kergje o atako si maškar 16 thaj 17 berša thaj si taro Lavov. O 20 beršengoro organizatori e atakoske si astardo.
