O deputati an o parlamenti taro PCER Samka Ibraimovski bičhavgja mesažo kaj o Roma si baši Europakiri Unia, a o nademokratia bašo phanlipa an i Šutka.
„Učharen peploa e nademokraten thaj šovinisten, vakeren mire Romalen kaj na sien manuša so chidena tumen kanendar . Tumen mire Romalen sien baši EU, a odola manuša si baši Šutka ko phanlipa. Tumen but šukare džanena o drumo” vakergja o Ibraimovski ki parlamentarno bešin baši ratifikacia o kontrakto e Grciaja. Aso oleste akava Kontrakto si panda jekh than an o Brisel.
Ko jekh thaj o deputati Amdi Bajram taro parlamento vakergja kaj del suporto e Kontraktoske e Grciaja thaj šukrikergja e ministere Dimitrov soske anela majlačho dživdipa.
Me thaj amen o Roma an i makedonia sako drom siam lojalno e themake kote so dživdinaja. odoleske me ka dav miri vota, thaj o Samka ka del piri vota thaj akhara sa e Romen te den piri vota an o referendumi thaj te den piro suporto. Me sium optimisti kaj o referendum ka ovel sukcesialom vakergja o Bajram.
