O Valter Ismailović (43) taro Niš , žurnalisto thaj membro an o niško NGO “Ponos” mulo an o 11 juni 2015 berš an o policiakoro stasioni , trin saastia palo maribaskoro incidento an i romani mahala “Stočni trg” an o Niš kana sine ratvardo.
Liparibaske si kaj an i akaja data o Valter gelo nekobor dženencar – aktivistia taro odova NGO an i realizacia e proekteske te vazdel pe i gnd te educirinen pe o terne Roma.
Numa alo dži ko fizičko maripa kote jekh persona palkaja khuvgja le ko šero.
Tari i policija notiringje kote odova dive paše ko 20 o časo sine notirime kaj avilo dži ko peraviba e kavno aktenge an i romani mahala kote sine notirime 6 persone.
An o policiakoro statsioni Crven Krst ko vakti kana den pe sine o izjave jekhe taro persone pelo leske bilačhipa.
Avili medicinakiri ekipa thaj dengje sastipaskiri suporto. Ko momenti kana mangle te džan peske o doktoria , tegani aver personeke sine bilačhipa thaj trujal i kerdi intervencia taro doktoria ov mulo. Odoja persona sine o Valter Ismailović. O Valter sine lungoberšengoro žurnalisti an o “City” radio thaj an i RTV “Nišava”
