Trubula te keren pe tranmpe ko desave kanonikane faisalia, majtikni procedura an o hramosariba ko lila bianibaske. maškarinstitucionalno konekcia, majefektivno aktiviteto ano teren te arakhen pe akala persone bizo dokumentia konstatirinfgje kotor taro akteria so lele than an i debarta so sine prezentirimi sar “Analiza e jurisdikciakere pervazia konektirime e personalno thaj civilno registracia an o čjinavipa e manušenge bizo themutnipa”.
O membria taro UNHCR an i Makedonia, Dejan Kladarin, vakerel kaj o problemi e apatridencar šaj faisalkerel pe numa trubul sistemsko buti. Trubul trampe an o kanonia, lokhi administrativno procedurqa so ka keren ko paše avutnipa faisali akale problemoske.
O membro taro OBSE an i Makedonia Jeff Goldštajn vakergja kaj akava si butedergeneracisko problemi, soske sar so notiringja i persona so nane le dokumento našti te hramosarel ni pe čhave trujal so si biame an i akaja them.
Importantno si aso oleste i buti an o tereni. I Jovana Trenčevska themakoro sekretaro an o MTPS vakergja kaj akana si tut dokumentacia si importantno jekh persona te šaj implementirinel pire niamia anglal o institucie, buti, sastipe, edukacia thaj fundavno manušikane niamia.
Odoleske aso olate trubul faisali so ka kerel buti o Govermento.
I informacia vakerel kaj dži akana si identifikujme 600 asavke manuša so si kerdi kontrola an i baza e dizutnencar thaj o personalno lila bianipaske.
