O institucie erati startujngje i akcia te dislocirinen e Romen taro Parko an o Južno bulevari , so lungo vakti sine odothen nalegalno, thaj kergje improvizirime khera bešibaske.
I komuna Centar asistencijaja tari i policia startujngja te implementirinel o ando dekreto taro inspekciakere ofisia te dislocirinel pe akaja nalegalno mahala, so sine nalegalno locirimi an o than anavekrdo “Urbano parko”
Kerel pe lafi objektenge so sine kerde taro PUIG, thaj palo odova nalegalno thanjargje pe o Roma, so bukvalno astargje o sasto parko , tamikeribaja improvizirime khera kote so keren sine buti sar reciklaža khedibaja plasitkakiri ambalaža.
„O nakhlo periodi taro jekh masek an o kontinuiteto kerel pe sine kontakt thaj dialog e Romencar kaj trubul te džan peske akatare so si an o parko. Olenge sine dendi thaj sar opcija te džan an o jekh institucionalno kampo so si telel o ingerencie taro Ministeriumi bašisocijala, numa neko olendar gele, a aver na mangle te džan peske odothare. ” vakeren tari komuna Centar.
I komuna Centar palo kompletno užariba e lokaciake ka kerel rekonstrukcia thaj ka sadinen čar thaj ka montirinen urabno oprema an o akava parko.
