An o 06.06.2018 berš an o Skopje pali inicijativa taro Khdipa Romano Biznis Informativno Centro formirime si naformalno netvorko taro NGO so ka keren an o lačharipa an o butikeriba e Romenge an i Makedonia.
O naformalno netvorko ko avutno periodi ka kerel buti an o planiriba programa te šaj o Roma tari Republika Makedonia khuven an i buti . Odoja programa tari naformalno netvorko si la mangipe te sikavel pe anglal e themakere institucie thaj lokalno institucie , biznis sektoro thaj donatoria.
Aso i idea taro inicijatori o ZDRICM thaj oklakoro presidento Zoran Dimov kaj i programa anavkerdi sar “Start up Roma” si la an o plani te čhivel an i buti 2.500 Roma thaj akaja programa te sikavgja pe sar pozitivno šaj te vuvljol an o Paščimalo Balkani thaj Europa.
I idea si la konkretno 12 punktia so planirinena te khuven ki buti o Roma thaj te vazdel pe o nivelo majučeste.
