Ov phenel kaj leskoro anav si ikaldo taro leskoro manglo automobilo “Rolls Royce”, kova ov isi le majbut taro trin dekade, thaj Kralj soske sa o Roma an i sasti lumija dikhen leste sar lengoro Kraljo.
Agjar o 50 beršengoro “Romano Kraljo” vakerel baši peste. Ov iklilo taro po bijando than ko Vrbas pred 40 berša zaedno pe dajaja thaj dadeja ki Italija. O Rojs si pendjarutno palo pe video klipija thaj fotografije an o socijalno mreže, sa odola bukja isi len majbut taro milion dikhiba. Leskoro luksuzno djivdipa, pherdo luksuzno vrdonencar, kazinija, vile, klubija, si fascinantno e Romenge taro sa o regionija an o sveto, a majbut e Romenge tari Srbija, Bosna, Makedonija thaj Kroacija. Ov si inspiracija majbut giljavutnenge taro akava regioni, ola giljaven gilja samo leske – isi le štar gilja ko leskoro anav, o naj pendjarutne si taro Beki Bekič thaj taro Branko Amzič, o Rojs vakerel kaj i giljavutni Jana ka sniminel gili specijalno leske.
– Sa kergjum buti ko mo djivdipa, numa na sium sine nikad kriminalco, majbut love kergjum palo bikibe vrdija, luksuzno vrdija. Avdive, vozinava Rolls Royce kova si 200.000 Euro, thaj isi ma kher ko Rim. Djivdinava mo djivdipe najšukar so šaj, soske isi amen samo jek životo, thaj mora te živina le najšukar. Odoleske mangena ma o manuša.
Mo amal sine o Sinan Sakič, me amala si o Acko Nezirovič thaj o Ljuba Aličič, me najšukar amala si i Stoja, Jana, Dzej thaj o Beki Bekič. O giljavutne dzanen kaj platinav fino giljenge. Jek puti, platingjum 6.000 Euro baši jek gili. Numa na žalinav odoja decizija, odola love si dinde bašo djivdipa, bašo kvalitetno djivdipa – vakerel o Rojs.
Leskiri em bari pasija si o luksuzno vrdija, osobeno o Rolls Royce. O najskupo vrda so ov vozingja si o Rolls Royce Phantom kova si majbut taro 400.000 Euro.
