O Roma an o Balkan si majčesto čorole, numa nae paldime, hramosarel o Germansko žurnalo „Frankfurter Rundschau„. Švajcarsko „NCC„.
Implicirinela pe kaj akava berš an i Germanija sine aplikacije bašo azil taro 12,000 Srpsko dizutne, 4,600 Makedonsko dizutne thaj 4,200 Bosansko dizutne, o žurnalo „Frankfurter Rundshcau„ hramosarel kaj majbut taro odola si Roma, „ili agjar registririnena pes koga pučen len savi nacionalnist si ola„. Maj odori, o žurnalo akcentirinela kaj:
„O Roma tane but diskriminirime an i Istočno Evropa, odobor but so odova si isto sar persekucija„, vakeren o organizacije bašo izbeglice thaj odoleske braninena o pravo bašo azil.
Majbut Roma keren buti nelegalno, khedena plastično šišija ili gjubra, jali mangen devlenge.
Tharena gjubra te šaj te takjoven. An i periferija ki Šutka, ki Makedonsko diz Skopje, si naselba kote so djivdinena 50.000 dizutne, o čhave bajrona ko šupe bizo pendjere kola so jevendaske tane mukle te bešen ko šudro.
Numa dali akala manuša si paldime? Ako si negde o Roma an o regioni izložime ko etničko paldiba, tegani odova si an i Ungarija, členka an i EU kote so o ekstremno grupe dena muj e dizutnenge tari odoja phuv te ’astaren e Romen’ kaj so i policija na lela merke baši akaja situacija. Ko princip, o thema so si membrija an i EU na akceptirinen o aplikacije bašo azil taro javera thema so si členke an i Unija.
