Baro numero problemia na sine faisalkerde beršencar , thaj keren pe urgentno akcie akale phare problemenge, sar so si pani pijbaske, užaripa deponie, , asfaltiriba droma, thaj korekcia e infrastrukturake ko majteleperavde kvartia an o romane mahale sar so si Tri Bagrema, Meksiko, Debarca an i diz Prilep kote isi majbut Roma.
O membria taro NGO sektoro bičhavgje mesažo kote an o asavke mitingo o Roma sikavena piro aktiviteto an o procesi kana anen pe decizie an o sasoitnipa.
I reparacia e panjeskere konektoria, intervencia an o drom Trizla, eliminacia an o defektia ko panjeskere linie, montaža than nakhibaske an o drom ” Debarca” si salde kotor taro akcie so si lende taro prilepsko themakere institucie palo o mitingo e dizutnencar tari mahala Trizla e komunaja.
Te šaj implementirinen o rodaripa e dizutnengoro o JP “Vodovod thaj kanalizacia” kontaktiringja e panjeskere institucijaja “Prilepsko pole te definirinen pe o šajdipa te ovel pani an o sako momenti e familienge so si len konekcia e panjeskere netvrokoa taro hidrosistemi an i mahala Trizla, jali saste an o drom Debarca.
