O preperutne taro garnizoni an i Srbia -Raška, Milan Mutavčić thaj Dragan radović an o beršipa taro mudaripa e askereske Goran Šačirović taro Bor an o gav Obrinje ko Kosovo an o 1999 berš , varabutne e membroncar tari komuna Bor thaj SUBNOR , Bor mukhle lulugha thaj vencia an o limor e askereske t5haj minuta traiba dengje respekto.
O Šačirović pire askereskere amalencar taro 37 motorizirimi brigada an i Raška resle phursakoa sar nacionalno heroia bašo piro herojstvo.
I daj e Goranskiri i Zorica vakergja: “Avdive havgjum kote miro čhavo thaj panda štar oleskere amala ka ovel lenge vazdime lipar an o olengoro biando than Bor, thaj ka anavkerdo drom premal miro čhaveskoro anav. But sium garvasiali so miro čhavo herojski dengja piro dživdipa pire themake”
” O Gorani ko odova maripa sine phare rtavrde an o šero. Kana i kontra rig askeri avile te dikhen ola gindingje kaj si mulo, a o Gorani agorutne takatencar phajrargja upral olende odolea so kurtalingja taro meripa majhari deš oleskere amalenge konektiribaja thaj nekobor uče oficeria” akcentiringja ko odova lipar phureder oficeri jekhto klasa o Milan Mutavčić.
