O Ministeriumi baši edukaciqa an i Srbia vakergja kaj ka lel lila sikljojbaske bašo 84.348 sikle thaj odoleske si hulavde paše 5 milionia eura.
Bilovengere lila sikljojbaske isi niami e siklen so si taro familie so len socialno suporto, sikle so si len bariere an i sikljojbe thaj invaliditeto thaj sako sikljo so si trinto jali buteder čhavo tari jekh familia bizi diferenca savo si o ekonimako statuso e familiakoro.
O sikle taro socialno teleperavde familie ka resen bilovengere lila sikljojbaske o familie ka trubul te sikaven lil kaj len socialno. O čhave so si len bariere jali invaliditeto si asavki evidencia.
“O škole notiringje i lista e potencialno siklenge so ka len o bilovengere lila sikljojbaske aso o kriteriumia kerdi si ko mart akava berš. Olengoro numero si 84.348 sikle aso o upreder notirime kriteriumia” vakeren taro ministeriumo.
O sikle ko potikne klasia an i fundavno škola ka resen lila sikljojbaske tari matematika, srpsko jali dajakiri čhib, I lumia trujal amande, natura thaj sasoitnipa, thaj stransko čhib.
O kopuče klasia ka den pe lila sikljojbaske ka len matematika, srpsko thaj dajakiri čhib, jekhto stransko čhib, geografia, Historia, Hemia, Fizika thaj biologia.
