Najekh tretmano taro sastipaskere institucie thaj bukjarne, našajdipa te len o drabarde terapie thaj medikamentia thaj te pukjinen e hospitaleskiri akomodacia, nanipa baro numero personalno doktoria thaj ginekolozia an o olengoro trujalipa, učo nivelo mortaliteto ko nevebiande čhave, si salde kotor taro problemia e Romenge an o sistemo taro phravdo sastipa.
Šerutne nukte pašljona an i atnikani diskriminacia, socialno inkluzia thaj o čorolipa an i romani jekhin trujal so o institucie keren zori te lačharen i situacia diferentno konsekvencar m numa trubul panda majzorali akcia ko kreaxcie e sastipaskere politikenge so o Roma ka resen jekh a jekh kvalitetno sasljaribaskoro tretmani sar sa o aver dizutne an i them.
Akala sine o šerutne punktiaan i konferencia ” sastipa ko Roma: Konekcia, motivia thaj šajdipa bašo lačharipa2″ so an o šatrtodi ko 10 maj ikergja pe an o Muzei taro Moderno arti an o Skopje an i organizacia tari Fondacia Phravdo sasoitnipa – makedonia (FOOM) sar kotor tari programa ko notiriba 25 berša taro fundiripa e Fondaciake.
O membria taro FOOM . Ministeriumi bašo sastipa, romane NGO thaj ekspertia , an i akaja konferencia notiringje sa o problemia an o sastipaskoro sistemi so si notirime e Romencar, thaj dengje propozalia bašo olengoro faisalkeriba.
