O nevo sistemo so ka implementirinel pe e themutnenge taro trinto thema so si tromalde tari vizno liberalizacia , thaj udžarel pe dekreto taro Europakoro Konsilo
Ola aplikacijaja prekal internet ka trubudl te resen oficialno notifikacia te šaj dromaren angleder te khuven an o Šengen. Vash asavki aplikacia o korkoro aplikanti ka pukjinel love te shaj te dromarel ko učipa taro efta eura” vakeren taro Europakoro Konsilo.
Akcentirinel pe kaj e dromaripaskoro dekreto ka ovel validno trin berša jali sa dži kote nakhel o validiteto taro o pasporto ko vakti tari notifikacia.
Te na sine elementia so roden majodorigutne analize , o sertifikato ka ovel editirime automatsko thaj sig.
Te sine khanči nesave sporno momentia i elaboracia e aplikaciaja ka ovel dendi an i vasteskiri analitika taro nacionalno ofisia taro thema – membria.
An i akaja čipota ka ovel validno jali nane te del pe leske o sertifikato dromaripaske ka trubul majbut 4 divesa (96 saatia) pali dendi aplikacia.
An o Brisel vakerena kaj o avutne aktia haven pe sar nevo elementi so ka del pe dži ko Euoropakoro parlamento an o votiba, a palo odova thaj dži ko Europakoro Konsilo an i akcepcia.
