Opservirime diskriminaciaja thaj dži ko vazdiba e karaktereske. Ake sar o naRoma hulaven o dileme e Romenge.
1.O Roma taro sako drom sine misteria e naRomenge. Ola džanen kaj ola avena tari India.
2. Nane čače kaj o nomadsko forma dživdipaske nane olengiri personalno alusar. Ola taro sako drom sine paldime thaj deportirime…
3. O Roma si nacia bizi them. But thema na den sertifikato themutnipaske trujal so si o Roma biame an o odola thema…
4. An i Europa taro 14 dži ko 19 veko e Romen dikhen sine len sar majteluni klasa manuša. Sine tretirime sar robia. te na bisterel pe o nacistikano terori.
5. O sasto numero kobor isi Roma an i Lumia si napendžardi savorenge soske i administracia nane registrirme baro numero e Romendar ko ple thema.
6.O lafi “Cigan” si degradiračko thaj bibahtali forma mujal o roma. odoja forma si kana kamen e Romen te sikaven sar “gunoj” an o sasoitnipa.
7. E Romen an i sasti lumia nane len jekh oficialno religia. Buteder pakjana kote ko starti e historiakoro ola relogiski sine notirime sar “hunduistia”
8.E Romen prependžaren sar bare talentia muzikake, giljajbaske thaj khelibaske.
9. Jekh taro karakteristike so si majlačhe ko Roma si olengiri lačhi tromalo karakteri. O lungo fustania so legaren o romane džuvlja nane aver numa učharen o pire, soske o sikaviba o nange pire si nalačho ko Roma.
10.Thaj an o agor , o dikhiba ko karte thaj baiba nane pobuter averendar ki iluzionersko lumia. E Romen percepiringje akala bukja majbut tari literatura thaj filmia thaj si čhivdo sar stereotipo. Akava si buteder fantazia numa so si realiteto.
