Pali akharin taro Direktorati bašo buvljaripa e Europakere Uniake i ministerka baši sociala thaj buti , Mila Carovska lelja than an i “Kurko e Romengoro” akti so ikerel pe taro 8 dži ko 11 Aprilo an o Brisel sebepi Internacionalno dive e Romengoro.
E Carovska sine la piri diskusia ko vakti taro deiba phursakoa e majsukcesiale lokalno ofisia an i paščimeuropakere thema. ” Trubul koordinirimo aktiviteto maškar o lokalno thaj centralno nivelo, thaj suporto tari internacionalno jekhin ko faisali e problemenge e Romenge an o sasoitnipa. Agjaar šaj te lačhara o ekonmikano thaj socialno statuso e Romenge. O Govermenti e Republika Makedoniake so la politike so šaj savakteske te faisalkerel o khedime problemia so si amare dizutnen” vakergja i carovska ko plo lafikeriba.
Oj ko jekh sine panelisti an i sesia lipardi okolaso irangje pe taro thema tari EU an i prezentacia e rezultatencar tari studia thaj rodaripa e Romenge taro Paščimalo Balkani . Ko pervazia tari piri vizita i ministerka Carovska sinel a dikhiba e direktorea taro Direktorato buvljaripaske, Kristian Danielson, o vicedirektori taro Direktoriato Katerina Maternova thaj o deputato an o Europakoro Parlamento, Soraja Post.
