O terensko rodaripa thaj analize so sine kerde an o 2017 berš sikavel kaj paše 20% taro khamne Romae džuvlja taro Šuto Orizari – jali sako pandžto khamni Romani džuvli – si tikneberšengere! O but tikne beršengoro khamnipa thaj jeripa seriozno kerena presia upral i konkurencia an i berza bukjake thaj te čhinavel piri majodorigutni edukacia , sokerel ekonomsko athinalipa thaj ćorolipa.
Asavki situacia kerel o zaruripa an o aniba edukacia e ternenge ki protektiva thaj progreso an o olengoro reproduktivno sastipa, so direktno ka kerel tiknjaripa e tikneberšengoro khamnipa.
Odova rodaripa sikavela kaj 82% taro Romane džuvlja an o Šuto orizari pukjinena i kontrola ko doktoria a aso o kanoni sastipaskere protektivake akava si bilovengoro.
Odoleske rodel pe taro instititucie anglal sa o Fondi sastipaske thaj Ministeriumi bašo sastipa te den prioriteto akale khamne džuvlenge , thaj te arakhen savakteskoro sistemsko faisali te stopirinen i praktika naknanonikane pukjiba sastipaskere kontrolenge taro personalno ginekologia thaj saste te arakhen implementacia e aktenge ko programe taro Ministeriumi sastipaske thaj progresi an o reproduktivno sastipa e Romane džuvljake.
