O familie taro štar Roma so taro jekh drom mule an o makedonikane phanlipa ka krisinen e Ofiso ko keripa sankcie thaj o Ministeriumi bašo sastipa baši diskrimninacia an i olengiri akcepcia aso sastipaskiri protektiva so rezultiringje meribaja e membrenge taro olengere familie.
E Europakoro centro bašo niamia e Romenge – ERRC ka notirinen thaj si dende aplikacie krisoske anglal Fundavno kriso Skopje 2 an o 29 mart 2018 berš.
Persi berš an o makedonikane phanlipa sebepi so na sine dendi kvalitetno medicinakiri opservacia thaj avri taro phanlipaskoro personali, mule o Andris Redžepov (21 berš), Jusinov Erdal (25 berš), Sutkie Mustafova (46 berš), thaj Bekim Demir (39 berš).
Taro ERRC vakerena kaj o phanle Redžepov thaj Jusinov mule taro buteder doziranost kombinacijaja metadon thaj diazepami, trujal so ni jekh olendar na sine čhivdo an i programa tari metadonsko terapia
O Bekim Demir mulo tari toksikacia tabletencar taro “Prazin” kana sine leske dendi nakorektno doza taro medicinakoro personali. I Sutkie Mustafova muli sebepi olakere anglutne sastipaskere komplikacie so sine ifnoririme thaj sine notirimi kaj hohavela kaj si nasvali sebepi so o personali irangja olakiri terapia anglal o vakti. Ko vakti tari autopsia ki Sutkia sine arakhle uči doza benzodijazepami.
Taro ERRC vakerel kaj o Ofiso ko keriba sankcie thaj o Ministeriumi sastipaske si džovaplime baši kvalitetno sastipaskiri opservacuia e phanlenge. O familie dengje len an o kriso baši dikretno thaj indirektno diskriminacia soske o bilačho kvaliteti tari sastipaskiri protektiva an o makedonikane phanlipa dispropocionalno sine presia upral o romane phanle.
Akava kolektivno kris akto thaj o aver aktia so legaren len anglal Europakoro kriso manušikane niamenge ka istemalkeren pe te roden pe trampe an o sistemio thaj niami bašo familie e romane phanlelnge so na trubul sine te meren an o phanlipe o persi berš” vakerena taro ERRC
Link: https://civilmedia.mk/romski-smstva-tuzhat-za-smrtnit-slutchai-vo-makdonskit-zatvori/?
