I Germania ka deportirinen 3.500 Themutnen tari BiH so si an i odoja them nalegalno, a tari Italia sebepi odova faktori ka oven iramenapalal, numa nane dendi precizno numero kobor džene.
Taro starti e butikeribaske e Centroske baši readmisia an o Salakovec, Mostar an o 2013 berš sa dži ko agor taro 2017 berš an i BiH upral i funda i kontrakto baši readmisia irame sine 5.656 persone, kotar so 913 si tari Republika Srpska.
Kana iranena pe an i BiH e persona si la šajdipa 30 divesa te oven an o Centro baši readmisia thaj palo odova džana an i Republika Srpska jali i BiH Federacia ko than kote sine lengiri agorutni adresa.
O viceministeri bašo migrantia thaj rasthanjarde persone an i Republika Srpska vakerela kaj trujal o Centro baši readmisia isi len 29 apartmania kote šaj te oven akomodime o deportirime persone, kote odole apartmanendar 12 si an i Republika Srpska.
O BiH trujal e EU-ea isi le parafirime kontrakto baši readmisia thaj e Moldavijaja, Danska, Morveška, Švajcaria, Srbia, Montenegro, Makedonija, Turkia, Albania thaj Rusia.
Link: http://m.novosti.rs/vesti/naslovna/republika_srpska/aktuelno.655.html:720508
