I Civilno asociacia H.E.R.A – Asociacia sastipaskere edukaciake thaj rodaripa, o Centro baši intergacia “Ambrela”, KHAM – Delčevo thaj o Ventro bašo buvljaripa e romane jekhinake “Bairsko svetlina” – Bitola organizirinena forumi teatarsko performansi “Perav od uvar” so si la resarin te motivirinel diskusia bašo rizikia so arakhen pe o Romane džuvlja thaj o Roma kana keren ple sastipaskere niamia.
O teatarsko performansi ka khelel pe an o Skopje, Vinica thaj i Bitola. I premiera ka ikerel pe an o 4 april an o Skopje an o Saloni 19,19, an o 22 april an i Bitola thaj an i Vinica an o 24 april.
Chidibaja taro fakti kaj i diskriminacia prema o Romane džuvlja thaj o Roma direktno presia upral i akcepcia thaj o kvaliteti ko dende thaj resle sastipaskere opservacie , forum – teatarsko performansi so ka aktuelizirinel akaja problematika an i kreativno forma resarinaja te trampinen pe o negativno narativia upral i romani nacia an o sastipaskoro sistemo.
Režiseri e forum – teatarsko performanseske si o Igor Ivković so barabutne e Aleksandar Samardžiev tari H.E.R.A. so kergja o scenario. O rolje ka khelen len Emra Kurtišova, Ognen Velevski, Ornela Gani, Elena Gjorgievska, Kenan Tair thaj Blagica Stojmenova, a o Igor Ivković thaj o Marko Noveski ka modernizirinen i komunikacia e publikaja.
O Forum teatarsko – performanso “Perav o duvar” ka ovel finansisko suportea tari Fondacia Phravdo sasoitnipa – Makedonia.
