I informacvia kaj an o Muzei taro Teodosievski, so si an o Kale sine čordo taro napendžarde persone an o periodo taro 12.12.2016 dži ko 30.03.2018 berš jali nane pendžarde saste kana palo olakoro meriba ulo pharo čoriba , akharibaja taro policiakoro ofiso . Ki vaktavin taro Ministeriumi baši kultura sine rodime stručno ekipe taro Muzei , tari Kinoteka thaj aver institucie , te keren specifikacia thaj notacia sa e bukjengje so sine an o kher tari Esma Redžepova , sar so si o audio materialia , phursakoa taro dromaribaske thaj aver moldime arhivsko materialia so majodorig sine odothe, arakhel pe thaj reporducirinel pe sine numa andre si sa čučo.
Ko anglutne onformacie paše familia tari Esma vakerena kaj khanči si čordo , kaj o bukja si salde thanjarde ko siguritetno than.
-Sa si an o siguritetno than an o thana ko uporuno etažo. Amen i paše familia tari esma džana sako momenti an o muzei, phrava udara, kontrolirinaja thaj kontrolirina si li sa an o than. odolestar so daraja sine kaj šaj neko te khuvel andre, sa o artefaktia vazdingjam len ko uprune etažia.
Ko thavdipa si e kriseskoro proceso bašo testamento, thaj me presonalno dengjum notacia an i policia saste kateske – vakerel membro tari paše familia e Esma Redžepovski – Teodosievska e mediumenge.
