Taro 1956 dži ko 1961 berš an o Brasil prezidento sine o Žuzelino Kubiček de Oliveira, manuš so ko vakti taro oleskoro liderstvo e themakje kergja stabilizacia thaj sine progreso an i ekonomia. Pendžardo sar fundavutno e Brazilia sar šerutni diz thaj anavkeren le sar “dat” e moderno Brazileske.
Oleskiri daj sine čehiakoro disidento thaj Romni, kote ov but droma garvasiale vakergja le, thaj jekh taro majšuže phurta lan o Brazilo legarel oleskoro anav.
O Džon Banjan si pendžardo britansko literatti kaskoro kotor “Dromariba taro hodočasniko” si translatirime ko majbut čhibja pali i Biblia. O špansko poeto Antonio Mačado thaj o Jon Budai Deleanu kaske o Romancia anvkeren le sine sar Homer sine Roma.
I abgo risko matematičarka avgo džuvli profesorka an i Ost Europa thaj redaktori an o naučno magazino i Sofia Kovalevskaja si Romani. O dansko profesori ko kotor taro zoofiziologia August Krogh so ko 1920 berš reslja Nobelovo phursako baši medicina ko jekh sine Rom.
I Pablo Pikaso jekh taro majbare artia, vajaria thaj grafičaria an o 20 veko si Rom. O pendžarutno kompozitori thaj violinisti thaj pobuterenge virtuozi o Nikolo Paganini si Rom. Ov jekh drom vakergja:” Na sium lačho, numa kana bašavava, o džuvlja aven dži i mande ko kočaka”
