I Makedonia si an o 89 than ki lumiakiri rang lista aso i baht kote sine notirime 156 thema, sikavel o raporto bahtake bašo 2018 berš so havljatgja olče o Unime Nacie.
Taro thema an o regiono , majbahtale si o Slovencia an o 51 than, palo odova o Kosovo – 61, Srbia – 78, Grcia – 79, Montenegro – 81. Hrvatska- 89, BiH – 93 thaj i Bugaria – 110.
Ko majučo than an i lista bahtake tari UN lista si i Finska, anglal i Norveška, thaj Danska, a an o top 10 majbahtale thema si thaj o Island, Švajcaria, Holandia, Kanada, Nevo Zeland, Švedska thaj Australia.
Majnabahtale an i lumia si o dizutne taro Burundi.
O UN havljarela e lumiakoro raporto bahtale taro 2012 berš , akerel pe upral i funda so kerel pe analiza ko sako taro 156 rangirime thema.
O anketirime si notirime ocenkencar taro 1 dži ko 10 dejbaja džovapi an o pučljaribaskoro listo ko desave faktoria an i olengiri them sar so si kvaliteto dživdipaske, respekto mujal averenge, tromalipa, bareileskoro momento, čačipa thaj sastipa.
