O Rasizmi si forma kote havel pe o rasno prepripa kaj si funda e manušikane sasoitnipaske, jali o preperutnipa tari individua ki disavi rasa trubul te ovel fundamento oleskere sasoitnikane statuseske.
Te ikergejm amen an i akaja definicia tegani amende an i Makedonia čače nane rasizmi. E afrikancen nane akate, trujal šaj desavo studento jali čhavo taro desavo ex studento taro amari phralikani biathinali them so angluztne sikljol sine akate. Nane Sirijcia, Avganistancia, Iračania (isi ama tikno numero si, thaj si šukar bašo biznis thaj šverci manušencar).
Albancia? Phare! Ola hulaven govermento, institucie, monumentia firme. Nane rasizm! Ki Makedonia nane rasizmi, soske bašo rasizam trubul nekaste te na mange. Ama adžiker, a o Roma?
Oja an i Makedonia isi Roma, numa olende na dikhen len sar manuša. Bašo rasizmo trubul me te mange manušen, a o Roma an i Makedonia nane manuša!. Akana vakerena: Sdo kerel akava lafi?
Sar odova nane manuša?. Ake agjaar ka da nekobor pučiba pa ko agor ka da konkluzia.
1.Kana sien sine tikne tumare, babe, papia, dada, daja thaj paše familia daravkeren sine tumen lafencar :” Te na sian šukar, jali na haja, ka čorel tut o Rom?
2.Ki škola barabutne jekh uzal aver bešen sine uzal romano čhavo, korkoro, a na neko te vakerel tumenge?
3.Si li tumen Rom-Romani sar kamlo ili kamli? Savi si i reakcia tire majpašengiri?
4.Ka anen lči tumare kamle, kamlja Romane khere te zapendžare olen te paše familiaja.
5. Ka keren li bijav olencar?
6. Mangen li te ovel tumen čhave olencar?
Isi panda egzamplia. Roden profesionalno angažmano tumenge rigatar taro rpgesionacia thaj trubul te alusaren maškar Makedonci, Albanco jali Rom so ka agorkerel tumari buti?
7.Doktori
8.Avukati
9.Taksisto thaj aver
Trubul tumenge profesionalno kadari . Isi tumen firma, kompania, dukjana, restorani, caffe bar thaj aver. Maškar o aplikantia baši bukjarni pozicia aplicirinena thaj Roma.Потребни ви се работници. Имате фирма, продавница, ресторан, кафич, и сл. Ви се пријавуваат кандидати меѓу нив и Роми.
10.Kaste ka len?
O nakhtari an o antvorto akale testeske si:
Dži kote sar antvorto OJA – VA si tumen taro 0 dži ko 2 antvoria
– An i Makedonia nane rasizmo thaj diskriminacia upral o Roma
O antvortia OJA – VA si taro 2 dži ko 10 :
-Tegani jali korkoro tumende hovavena, jali sien garant – ROM
