O Roma tari R.Makedonia si len leiba than an i politika da, kote si la deputatia an o Parlamento, dizjakoro šerutno, Ministeri an o Govermento.
Implementirime si institucionalno protektiva olengere manušikane niamenge , a o mediumia kosem si na istemalkeren diskriminatorsko anava.
Aver rigatar pobute3r Roma si panda majčorole thaj tari negativno steretipizacia upral i funda tari marthik isi panda odola standardno diskriminacia taro o aver naRoma an i Makedonia.
I precepcia kaj e Romen si len bare niamia thaj relativno majlačho tretmano an i Makedonia diferenciajaj taro aver thana an o Balkani jali Europa, butederenge si akceptirime .
Numa del pe o pučiba:
– So si odova “relativno lačho tretmano“?
– Si li i Univerzalno deklaracia manušikane niamnege tretirinel terminologie sar so si “relativno niamia”, “relativno implementacia nesavo niami” thaj aver?
Ki diskusia e naRomencar pendžarde, paše amala intelektualcia majbut den džovapi. ” Aso si bilačhe akate, isi tumen sa, bašavena, khelena, lošali nacia sien, džanen te khelen thaj giljaven, lošalen ma gurinentumen b sakote kote nane tumaro than”..
Trujal sa o rodaripa sar o Roma dživdinena integririme an i Makedonia, thaj sikonektirime an i themakiri rota..me majodorig dikhav kaj si diskriminaci kana dikhen man pe droma kana phirava taro stereotipizaciasaste frazenge, politikane figure thaj o aver dizutne , olengiri percepcia kana bešaja te pija kafa ko desavo kafe bar, restorani
kana siem ani kafeana jali diskoteka.
Sako drom sine “magično rote” tari diskriminacia thaj ka oven majodorig.
