Angleder desavo dive an o socialno netvorko taro FB iklilo hramosardo statuso tari paše familia jekhe čhaveske so džala an i čhavorikani gradinka an o Š.Orizari “8-mi April” kaj i negovatelka naprofesionalno kergja akti mujal olengoro čhavoro.
Ko FB statusi so hramosargja o korkoro jeri si: Negovatelka tari i Gradinka 8-to April, Šuto Orizari sako dive chidel sine taro kan e čhave em sasljaren le sine na lačhe kana o čhavo vakergja khere kaj i negovatelka chidel le sine taro kana thaj sine le dukha thaj taro odocva khedingje pe phumba thaj rat em urgentno ka keren leske operacia tari o ratvarin odole negovatelkakoro.
“Ka dav Kriseskoro akti faktea olake thaj e direktorkake thaj ka rodav dikhiba e NGO sektorea thaj govermenteskere instituciencarbaši sociala…Monstrumia !!! tergjol na o FB statusi taro M.M.
Numa aver rigatar o Direktori akale instituciake Šaban Ahmed Songjul sa akala došperavina vakerel ka kerel palem kontrola, thaj akcentirinel kote anglutne da sine vakerdo olenge taro jeria kaj o tikno čhavo si le problemi e kanea, thaj kana primingjele an i gradinka o jeria na angje thaj bris, thaj bizo odova sastipaskoro dokumento sine primime an i gradinka.
Ko jekh notirinela kaj ko odova vakti so vakeren o jeria e čhavengoro kaj ulo odova incidenti, i negovatelka na sine an i buti, numa sine an o hospitalo ko Kozle, pire 2 beršengere čhavea so pašljona sine an o hospitalo sebepi so o lakoro čhavo sine nasvalo.Ko jekh pučela dali šaj taro “chidiba taro kana” te inficirinel pe o kan Te vakergje o doktoria kaj šaj tegani ka lel akcia te kontrolirinel i sasti situacia. Numa oj akale akteske notirinel kaj isi šajdutno desavo politikano revanšizmo, akcentiringja i direktorka ko telefonsko lafikeriba i Šaban Ahemd Songjul.
