An o gav Skala, Obrenovac , an o Savato rakjate sine arakhlo humlavdo o 9 beršengoro U.D. ko piro kher.
O trupo arakhlja le o komšia paše i jekvaš i rakj, palo duj saatengoro rodaripa. Aso i storia o čhavoro humlavgja pe sebepi i bibaht so mukhlja le i daj.
Oleskiri mami i Sabina vakerela:
” Kana i bori i Bajra, palem prandingja pe an i Kalesia lelja olakere tikne čhaja so sine la 7 berša, em e 9 beršengere bliznako čhaj, phen e humlavde ćhaveske thaj i majphureder 10 beršengiri čhaj.
Ov akana siga prekal o Skype pučlja pire dija soske mukhlele akate em so na lelja le, oj vakergja kaj ka lel ole kana ka avel o nilaj.
Ko savato rakjate kana notiringje kaj o čhavo na irangja pe khere palo o rodaripa e tikne UD arakhle le humlavdo an i staja.
