Kana kergje o rodaripa e rateske tari i 12 beršengiri čhaj taro “25 Maj” te zojrakerel pe si li khamni , o analize zojrakerde kaj isi la droga an o olakoro rat.
Dopherdo ka zojrakerel pe sine li i čhaj drogirimi, akcentiringja o Vice nacionalno odbusmano Vaska Bajramovska Mustafa.
As o o Bajramovska Mustafa kerel pe lafi baši but intelegentno čhaj pire beršenge. Ko noemvri persi berš kana pherfja 12 berša o jekhto raportia olake kaj si viktimi taro seksualno teroro si panda taro 2016 berš .
Jekh berš thaj pobuter o institucie džanena sine so ovel olaja, a na kergje reakcia te keren protektiva , vakerel i Bajramovska Mustafa.
An o akava momenti e čhijake kerel protektiva o šelter centro thaj kerel buti te nakhaven pe o traume , numa a so i Bajramovska pučiba si kobor sa akava ka ovel sukcesialo kana džanela pe kote beršencar sine seksualno istemalkerdi.
