Bašo natolerantno vorba sar te na ovel agor. Vakti si o institucie te len aktia thaj kanonikane konsekvence thaj majzorale te keren globa e aktereb tari akaja forma kerdi diskriminacia.
Akana sig an o socialno netvorko an o FB profili taro nesavi Ristana Stojanović notaciaja kaj si taro Kruševac, Srbia ikavgja statusi an o piro personalno FB profilo kote hramosargja: ” O Roma (Cigani) trubul te eliminirinen pe, lena love a nane moldime hari , keren čhaven thaj bijanena sar džukela, čorena. Khandel olengoro ilo, nikana našti oven amala , thaj ka hohaven tut thaj pativalo Rom nane pativalo Rom (Cigan) nane!”.
Tumen džana an i Germania, Austria a nekana o Hitler mudarel sine tumen, a palem džana an i germania. Dikhel pe kaj sine bare kh..a! – si hramosardo an o profilo FB tari Ristana Stojanović.
Akava sikavel kaj isi asavke persone so piri percepcia personalno sikaven mujal desave nacionalno, religiakere thaj aver etnikane personenge thaj si klasično natolerancia sar egzatno ” Natolerancia”.
Trubul i tehm te lel majzorale krisoskere aktia te anel uče globe asavke formake krisoskere akteske.
