Europakoro Centro Romane niamenge havljarel kolektivno vazdiba kriso mujal o Ofiso vash sankcie an o Ministeriumo bashi jurisdikcia bašo meriba 4 Romas phanel an o Idrizovo . Šubikerdi si i situacia sar mule o 39 beršengoroBerkim Demir ko decembro persi berš nekobor divesa anglal te ovel mukhlo kana pašlilo 3 berša phanlipačoribaske, vakeren taro ERRC.
I familia taro Bekim resalja telefonsko akharipa ko thavdipa e diveseske kana mulo. Ov vakergja kaj si le pharipa kana dišinela, alo o doktori e phanlipaske dengja le duj injekcie so ov hošingja pe paralizirime.
Rodingja pire familia te aven an o phanlipa te len le. Jekh kurko anglal te merel o Bekim vakergja pire familiake kaj o policajco thaj o doktoria maltertirinen ole.
Ko jekh vakerena kaj meripa e Demireskoro si paše sar o meriba taro aver duj roma o 25 beršengoro Jusunov Erdal thaj 21 beršengoro Andreas Redžepov.
O duj mule taro predoziriba iljačencar bašo dukha , a o aver duj šubikeren e policajcon thaj doktoren kaj maltertiringje len , thaj ola kosem si irangje medicinakiri arka thaj na mangle nisavo tretmano angleder te meren noticirinen taro ERRC.
