“O plano e nacistengoro sine te keren likvidacia e Romen thaj Jaudien taro rasno faktoria, a na ideološko thaj politikane rivalia so na kamen e nacistikane Germania.
I deportacia e Romenge sine an o periodo maškar fevruar 1043 thaj juli 1044 berš.
Sar konsekvenca taro organizirime genocid thaj programa likvidaciake an o logoro meripaske Aušvic – Birkenau dži ko 2 Avgusto 1944 berš funkcionirinel sine o telologoro e Romenge kerdo thaj anavkerdo sar – Zigeunerlager.
O phanel Roma sine tari Germania thaj o thema so sine telal i okupacia sar so sine i Austria, Čehoslovačka, Polska, Francia, Jugoslavia, Belgia , numa thaj tari teritoria tari Norveška, Španija thaj Sovetsko Unia.
Ko odova periodo an o odova logoro e Romenge so sine phanle pobuter taro 23.000 Roma, olendar sine mudarde 20.000 Roma.
An o periodo maškar maj 1943 thaj avgust 1944 berš ko čekat odole logorsek sine o bilačho “doktoro” Jozef Mengele so kergja organizirme eksperimentia upral o Roma , a ekstra upral o čhave.
O nekanutno themakoro skeretaro an i Germania Vili Brant akcentiringja kote an o vakti taro dujto Lumiakoro maripa sine likvidirme upreder 500.000 Roma , numa o majneve faktai sikaven kaj odova numero si panda majbaro taro 1.2 milionia Roma.
Majbaro numero olendar si elikvidirme an i Germania a palo odova an i Kroatia. Odova numero legarel paše 80.000 Roma.
