Ko agorutno periodo sa pobuter notirime si čoriba ko khera an o Šuto Orizari . Akaja alarmantno situacia potencirinena o korkoro Roma so buteder droma dikhle asavke aktia.
Aso olende ko agorutno periodo isi baro čoriba an o khera taro čora so keren akala bilačhe aktia.
Sar so vakerena o Roma o persone so si čorde, kotor olendar notirinen dži ki policia numa isi asavke manuša so akala aktia na notirinena dži ki policia soske daran kaj pak šaj te oven čorde.
Aso o informacie taro nekobor Roma o agorutno čoripa so sine kerdo na sine thaj ni notirime an i policia so ulo idžerati an o kher ko Šuto Orizari.
Majalaramantno taro sa si odova kaj o čora so khuvgje an o kher ki jekh phureder persona so daravkergje la kaj ka mudaren olea peja legaren sine thaj mangen sine te khuven la bejzbol palke, te na šungja olengoro rodaripa.
Odoleske o korkoro Roma bičhaven apelo dži ki policia te len konsekvence mujal akala čoriba so kerel bari dar maškar o manuša tari akaja mahala.
