Odoleske akala dive taro Ministeriumi baši kultura ko ministeri Robert Alagjozovski sine akhardeo presidentio e humanitarno asociaciake “Esma thaj Stevo Teodosievski” i Zorana Kostovska , lungovberšengoro aktivisti i Mirjana Markovska.
Ki diskusia e ministerea, o presidento Kostovska vakergja kaj jekh asavki inicijativa anvakeribaja bulevari taro amav e Esmake si lungo idea na salde an i asociacia , thaj aver but manuša an i Makedonia so sikaven respekto mujal i Esma sar artisto thaj sar manuš baro humanitarco thaj bari Makedonka!
Paše džanel pe kote an i sasti lumia anavkeren pe droma anavencar taro pendžarde giljavutne, artistia, sportistia, žurnalistia, akteria (sar egzamplo: Toma Zdravković, Ivo Robić, Elvis Prisli, Grejs Keli, Merlin Monro, Marlon Brando, Džon Lenon..) odoleske šaj akate da thaj mangaja te ovel bulevari e anavea tari Esma Redžepova.
O bulevari majšajdutne ka ovel ko drumo premal i Autokomanda , soske majbut strancia kana khuven an o Skopje, thaj but lačheste pendžaren e Esma , thaj te sikava soske sikava respekto mujakl i Redžepova.
Numa i lokacia eb bulevareske panda nane definirim,i, thaj akanaske si slade dendi sar idea -propozalo.
