An o 1938 berš sine 38.000 Roma so dživdinena sine an i Germania thaj Austria. O anava resle aso odola gndina kaj ola aven taro Egipet (trujal so si ola darhinalipaja tari India) pobaro numero Roma preperen tari odoja etnikanei jekhin.
O Roma thaj o Sintia an i Europa lungo periodo sine diskriminirime , thaj panda majbilačheste kana an o legaripa ale o Trinto Rajho. Sar sine progresia taro Nacizmo anel sine progresia e rasno užaribaske thaj eugenika.
E Hitlereskoro režimi šubikerel e Dr. Robert Ritter, Dr. Sofia Erhhardtov thaj i medicinsko asistento Eva Džastin kergje bare pesudoukakere rodaripa e jeribaskere darhinalipaske taro o Sintia thaj o Roma. An o 1940 berš o Riter vakerel kaj 99% taro Roma an i Germania si “hemimo rat” thaj “srtiklo taro pariba e germaniakere kriminalno asocialno subproleteriato”.
Pali odoja logika sakone so si le kapka rat romani jali Sinti ov dikhel pe sar jabandžia so mangel te kerel kriminalo thaj si namanglo an o sasoitnipa.
Deš mile Roma thaj Sintia sine deportirime an o konc logoria kote sine čhivde te keren majphare bukjam nedicinsko eksperimentia thaj eliminacia.
O historičaria notirininena kaj o nacistikano režimo thaj oleskere sojuznikia mudargje upreder 25% tari sasti populacia Europakere Roma , jali an o numero odova legarel buteder taro 220.000 Roma.
Link: http://romskiportal.com/1938-1940-deportacija-roma-i-sinta/
