Koj mestingja e Ibro Muratović, Rom tari Banja Luka bašo šverci 40 bombenge thaj 5 revolveria?
O Muratović “pelo” an i Slovenia kana skeniringje i torba so sine telel leskiri stolica an o busi kote sine arakhle 40 bombe thaj 5 revolveria.
Saste vakteske vakeren desave manuša kaj o Muratović sine opservirime taro nesave mafiašia organizatoria sar kriminalno grupa pire vordaja palo nusi kote dromarel sine o Muratović.
Kana dikhle kaj i policia phanela e Muratović ola našle premal i Germania.
Pali dendi informacia taro phanlipa e Muratovićeske o komšie kergje reakcia kaj si ov tromalo thaj namelalo Rom thaj nikana an o piro dživdipe na kergja nisavo melalo kriminalo.
Ola notiringje kaj džanena savi persona kergja akava thaj so čhivghe leske i torba telal oleskiri stolica ko busi thaj ov si pendžardo kriminalco tari Švedska, thaj kana dikhlja kaj e Muratović phanena ov pire vordoa našlja ki Germania.
Aso o agorutne informacie pherdo dizutne tari Švedska thaj Italia khedena love te šaj pukjinen i kaucia e Murtaovičeske , so chidingja te ovel neve beršeske an i Švedksa ki pli paše familia.
