Ko dujtodi an i mahala Zlokukjani , Skopje an i romani mahala ko drom Skupi ki bari jag thabile 3 khera. Aso o informacie sar faktori akale bare jagake si naužardo odžako,
Akana o manuša tari akaja mahala bičhaven apelo suportoske ko tamikeribaskoro materiali thaj averm te šaj akala familie akale kherege akana nakhaven len avrial telal o phravdo del.
Barabutno membria so džuvdinen ko akala khera si 23 kote olendar si čhave 10.
I bari jag buvljargja pe but sig thaj bašo duj minutia astargja i bari jag sa o trin khera.
Ola bičhaven apelo dži ko sa relevantno institucie thaj humano manuša te den suporto kobor so šaj.
O konsilo e komunake Karpoš ki avdisutni bešin angja decizia finansiko thaj materialno suporto e trin familienge tari mahala Zlokukjani kaskere khera sine astarde tari bari jag,
“Duj familie so sine len baro materialno zijani , i Komuna ka del olen love a e trinto khereske ka arakhel tasmikeribaskoro materiali soske thabilo lenge salde o kotor učharibaske . Resarinaja te del pe suporto pire dizutnenge i komuna Karpoš akharel buteder kompanie thaj privat firme te iranen pe an o akava apeli e familenge kaskere khera thabile” vakerena tari Komuna.
