Avena jevendasjere divesa thaj isi manuša so šaj te da len suporto! I idea si an o 4,5 thaj 6 dekemvro taro 13 o časo sa dži ko 18 o časo te kheda sa o jakne so na trubul amenge , numa trubun averenge te mukha olen an o centro e thaj o trujalipa taro Skopje – te šaj sakoneske so trubul jakna em tato te takjovel ko akala šudre rakja thaj divesa.
Savore tumen so kamena te donirinen pire jakne šaj te keren ko odola divesa. Ajde manušalen šaj amen odova te kera! Thaj sako ko kamel te konektirinel pe em del suporto lačhe šaj te avel!
Sa si athinela taro numero e jaknengoro so ka oven khedime. Kotor ka ačhon an o Skopje te šaj len o manuša so nane an o šajdipa te aven dži ko punktia thaj manuša so si an o droma thaj socialcia. Kotor personalno ka hulava olen e manušenge so si bizo khera em si an o droma , a o aver ka legaren pe an o punktia kote kheden donacie , e manušenge so trubul olenge.
Amalalen tumen so našti te len than ko akala divesa , tromale šaj keren odova aso tumaro mangipa an i tumari komuna. Humlaven tumari jakna ko savo bilo kašt – ja arakhel la mesavo manuš so čače trubul leske te ikerel leske tato!
