O Gagi Džogani pendžardo muzičari, phral taro Džole Džogani thaj eks rom e giljavutnake Anabela, sine an o fokusi e mediumenge pali informacia kaj margja pire romnja.
Oča notirinen kaj o Gagi Džogani margja e Milena Mikić , thaj sa olakere šea frdingja prekal i pendžerka. Žuranilisto taro jekh srpsko mediumi akale incidenteske kontaktiringja oleskere phralea O džole Džogani, thaj ov vakergja kaj desavo vakti nane ko kontakti olea.
” Me sium o Džogani, ov nane. Meljargja o familiarno anav thaj na mangav te notirinen le kaj si miro phral. Miro čhavo tajsa isi le utakmica pire amalencar em na kamav te asan oleske. Kergjum zori te dav le suporto , numa našti te kontrolirinav ole.
Ole isi 45 berša thaj trubul te džanel so kerela. Te na ovav sine me nane te ovel sine da i grupa Funky G. Palo sa so kergjum oleske, o Gagi kerel te čhungarel man prekal o FB ” vakerel o Džole.
Aver rigatar o Gagi e sprsko magazineske Kurir vakerel kaj oleskiri romani majanglal kergja leske atako soske desavo vakti ola nane barabutne, thaj vakergja olake kaj isi le aver manušni.
