Ola si Roma so si sukcesiale an i piri profesia so kerena. Tzrujal sar nacia so si avri taro sasoitnipa , o egzamplia akale individuenge taro Niš ka notirinen pe kaj olengere diskriminaciake našti ovel lafi.
I Silvija Nešić (22) nane jekhutni an i familia so educirinel pe muzičko numa si jekhto an i familia so studirinel muzik, thaj si hramosardi an o univerziteto. Studirinel muzikam, našavel piano thaj giljavela ko akademsko horo thaj dromarela. Kana si la vakti oj si NGO aktivisto an i “Ternipe” kote terne Roma motivirinel te educirinel pe. “Kerav zori ekstra ki romani džuvli te ovav lenge egzamplo te džan majodorig an i priri edukacia, faktea kaj kana kamel pe šaj sa te kerel pe” vakerel i Silvia.
Ko jekh sar pozitivno egzamplo si i Nataša Petrović (37) so kerel aktiviteto aso o romane džuvlja taro ruralno trujalipa thaj pedagoško asistento thaj treneri an o džuvljano fudbalsko kluno. O fudbali si olakoro manglo hobi thaj beršencar si oilea. ” O fudbali taro sako drom si miro baro intereso. Sium sine an o ŽFK Mašinac, 13 berpa, thaj membro an i juniorsko reprezentacia. Akana sium 2 berša treneri an o ŽFK “Morava” taro Žitkovac” vakerel i Nataša.
