O Prezidento taro Govermento an i Republika Makedonija, o Zoran Zaev avdive sine an o dujto mitingo baš i socijalno inkluzija e Romengiri ki Makedonija. Ko mitingo, uzal o Ministeri so implementirinel i Strategija bašo situacija e Romengiri an i Makedonija, Samka Ibraimovski, lile than thaj i Ministerka bašo Trud thaj Socijalno politika, Mila Carovska, thaj o prestavnikija tari EU Delegacija ki Makedonija, Nikola Bertolini thaj i Marta Garsija Fidalgo, hem membrija taro NGO sektor ki Republika Makedonija.
O Prajm Ministro Zoran Zaev phengja:
O Governmento tari Republika Makedonija kamol te gradinel inkluzivno država thaj te anel celosno socijalno inkluzija e Romenge ki Makedonija. Amen sijam sigurna ko odova.
O bare problemija na dikhen nacionalnost, religiozno ili bilo savo javer diverziteto. Ako dikha o prašanja kola si važno bašo akava mitingo, trebola te konstatirina kaj o problemija e kherenca, e bukjaja thaj o zdravstvo, ili o maj rano brako, si problemija e DIZUTNENGERE.
Amen, e dizutnengere ki Maedonija dikhaja agjar, ko lengere kolektivno potrebe thaj te arakha kvalitno solucije so ka oven šukare sarinenge.
Ama, fakti si kaj o maj bare problemija dikhena o Roma, thaj fakti si kaj ka la aktivno merke, bizo stopiriba.
